Seniman Kampong

Datuk bilang zaman dolu2 (muda2 gitu) waktu tibanya malam duduknya bersila diatas pangkin bawah pokoknya kelapa sayup2 berkumandang lagu2 sebegini di tambah pula adanya alunan bunyi gesekan biola, beserta ketukan tin biskut, ditambah lagi sama itu alat musik yang namanya geng gong (harmonica), tiupan seruling jugak... tu baru di sebut2 fulamak!!! kok sampainya terlena bersandar di batang kelapa.




Pernah ku dengar alunan bunyi nih!!! tapi di mana ya!!! kok sepertinya jari paman ku bisa menari2 di atas yang namanya gitar kelompong .. hukhukhuk...

Lagu untuk anak Daro Kampung

SERI MENANTI
SERI……….. indah namo tu…..
Hebat !!! sehebat taik lombu menyambut tetamu datang ke senanti….
SERI paduka baginda
Datuk SRI Datin SRI
Tiang SERI

Sempena nak menyambut bulan haji nih …. Harap2 Pak Chik Hattan tu boleh la nyanyikan lagu nih untuk anak2 daro kampung kito supayo diorang nih besori-sori dari segalo sogi… tak lah kopam / bekarat / locoih yoooo…..sebolum poi haji muko dah besori-sori.


Ramai sebona eee orang senanti / pilah / negori yang bebakat dalam bidang musik /seni nih!!! tak cayo tanyo Pak Chik hattan ni hah!! perintis "Brainchild" "Heavy Machine" "Headwind" "Blackrose" "Bloodsheed" "olan" "Cikgu Joseph Chelliah"... tak tekato ramai lah laie. Dio orang nih professional... tak koja glamour, berhibur tuk isi maso lapang, release tension. Yang datang tehegeh2 kemudian nih yang jadi tak semonggah, glamour pakai namo jadi macam boruk kono belacan keh keh keh...Selalu eeee cam tu lah... mulo2 muka toya masing2, penampilan, message bagus.. dah ada peminat hah tak soda diri la pulak.. hehehe paham2 lah kan?

Penyanyi2 nih ontah lah... menyanyikan lagu & lirik orang pun leh perasan cam dio yang hebat. Peminat dah tontulah kono rasuk hantu tak sodakan diri. Ondak2 yang pompuan pulak tuh!!! eeee geli.... Polik kan??? lagu di donga di telingo... apasal manusia yang mengelinjang lak yang dipujo...!!!
Anak daro senanti tak cam tu... harap2 hebat cam Saidatina Khadijah, Fatimah, mashitah, Siti Hajar walau pun soro diorang sodap. ngaji sodap nyanyi sodap and pandai lak lam bidang musik tu. ngeh ngeh ngeh...

Agak2 eee pasal apo lagu2 80an sodap di dongar...sobab...kato atok den, kato uwan den, kato ombong den, kato ochu den... lirik dio di ambik dari penulih2 sajak yang kluar dalam Majalah2, utusan pelajar, dalam Komik Bujal pun ado... keh keh keh kelakar tul. Atok ngan uwan den maso tu suko hantar gamba lam ruangan kombang setaman.


Penulis veteran pun ramai dari negori nih... sampai ado yang kono gola'an Tuan Tulih, menulih yo kojo eee...tapi polik tak do lak karya dio kan!!! apo yang di tulih eh ontah lah. uhuk uhuk